түркийә пуқралири украинаға кимлики биләнла баралайду

түркийә авази радийоси хәвири: кимлики билән түркийәгә қарап учқан украиналиқлар олтурған айропилан әнқәрә әсәнбоға айродурумиға қонди. айродурумда украиналиқларни қарши елиш мурасимида сөз қилған украинаниң әнқәрәдики баш әлчиси андри сийбиһа 14-мартта имзаланған келишимниң бүгүн иҗра қилинишқа башлиғанлиқини вә кимлик билән түркийәдә сайаһәт қилишниң башланғанлиқи мунасивити билән наһайитиму хушал икәнликини билдүрди.

у, бу қетимқи айропилан сәпириниң тарихий әһмийәткә игә икәнликини тәкитләп, буниң икки дөләт оттурисидики истратегийәлик шерикчилик мунасивәтни испатлап бәргәнликини әскәртти. у мундақ деди:

«өткән йили украинадин түркийәгә 1 милйондин артуқ сайаһәтчи кәлди, түркийәдин украинаға 200 миңдин артуқ сайаһәтчи барди. бу келишим билән рәқәмләрдә %30 лик ешишни үмид қилимиз» деди.

кимлики билән түркийәгә кәлгән тунҗи сайаһәт өмики ичидин орун алған украиналиқ журналист олга вдовенко, өзиниң тунҗи өмәк билән түркийәгә кәлгәнликидин хушал икәнликини, түркийәгә буниңдин бурунму кәлгәнликини, украиналиқларниң түркийәгә һәм сайаһәт һәмдә сода-сетиқ ишлири билән келишни йахши көридиғанлиқини ейтти.

әнқәрәдә 14-мартта имзаланған вә икки дөләт пуқралириниң қсиқа мәзгиллик сайаһәтлиригә асанлиқ йаритип беришни мәқсәт қилған келишимгә асасланғанда, түркийә вә украина пуқралири 180 күн ичидә җәмий 90 күндин ашмаслиқ шәрти билән бир-бириниң дөләтлиригә паспортсиз берип-келәләйду.