xitay Moody’s ni qattiq eyiblidi
xitay kirédit derijisini töwenletken xelqara kiréditni derijige ayrish orgini Moody’s ni qattiq eyiblidi.
türkiye awazi radiyosi xewiri: xitay maliye ministirliqi teripidin bu heqte élan qilinghan bayanatta, texminen 30 yil ichide tunji qétim xitayning kirédit derijisini töwenletken Moody’s qattiq eyiblinip mundaq déyildi: « Moody’s dölitimiz duch kéliwatqan iqtisadiy qiyinchiliqlarni köptürdi, islahat heriketlirini kemsitti, bizge qarshi uyghun bolmighan chare – tedbirlerni qollandi.»
bayanatta, bu yil kirgendin buyan xitayning iqtisadiy tereqqiyatining yaxshi bolghanliqini, buningda iqtisadiy islahatlarning muhim rol oynighanliqi, bu yilning deslepki charikide milliy ishlepchiqirish omumiy qimmitining % 6.9 ashqanliqi, iqtisadiy tereqqiyat süryitining bulturning oxshash mezgildikige sélishturghanda, % 0.2 yuqiri örligenliki eskertildi.
xelqara kiréditni derijige ayrish orgini Moody’s tünügün xitayning yerlik we chet el puli igilik hoquq inawet derijisining « Aa3» tin « A1» derijisige töwenlitilgenlikini, kelgüsidiki igilik hoquq inawet derijisining «muqim» din «passip» qa chüshürülgenlikini bildürgenidi.
مۇناسىۋەتلىك خەۋەرلەر
türkiyening éksporti yanwar-aprél aylirida ashti
türkiyening 54 shehirining ékisporti yanwar-aprél aylirida körünerlik ashti.
türkiyening findiq éksporti ashti
türkiyening 8 ayliq findiq (orman yangiqi) ékisporti 1 milyard 600 milyon dollargha yéqinlashti.