rusiye ukrainagha herbiy heriket bashlidi
wiladimir putin alahide bir herbiy heriket bashlighanliqini jakarlighandin kéyin, ukrainada rusiyening tajawuzchiliqi dawamlashmaqta.
ukrainaning herqaysi jayliridin partlash xewerliri kelmekte. tankilar we herbiy aptomobillar bélorusiye chégrasidin ukrainagha kirgen we döletning sherqide heriket qiliwatqan körünüshliri kelmekte.
rusiye armiyesi ahililer zich olturaqlashqan rayonlargha hujum qilmighanliqini, ukrainaning hawa armiye bazisi we bashqa herbiy mewjutluqlirigha merkezleshkenlikini ilgiri sürdi.
ukraina pirézidénti wiladimir zélénskiy herbiy halet élan qilip, «rusiyening herikiti adaletsiz, aldamchiliq we jeng élan qilghan bir ishghaliyettur» dédi.
zélénskiy yene, ukrainaliqlarning erkinliki we musteqilliqidin hergiz waz kechmeydighanliqini éytti.
ukrainaning resmiy tiwittér hésabi bu resimni herbiy heriket bashlinip uzun ötmeyla hembehirlendi.
hujumlar b d t bixeterlik kéngishi bu heptide ikki qétim jiddiy yighin achqandin kéyin yüz berdi.
herbiy heriket xelqara sodighimu tesir körsetti. yershari paychéki bazirining dawamliq töwenlishige egiship, bir waril néfit 8 yildin buyan tunji qétim 100 dollardin éship ketti.
