makédoniyede chüshüp ketken gérmaniye ayropilani tépildi
türkiye awazi radiyosi xewiri: makédoniyening paytexti üsküpke yéqin jayda tuyuqsiz signali üzülüp qalghan gérmaniye ayropilanining chüshüp ketken yéri mueyyeleshti.
makédoniye ichki ishlar ministirliqidin élan qilinghan bayanatta, axsham waqtigha yéqin yoqulup ketken gérmaniye soda ayropilanining üsküpke qarashliq katlanowa nahiyesidin 6 kélométir uzaqliqtiki küjle yézisi etrapigha chüshüp ketkenliki bildürüldi.
ayropilanning ichidiki kiishlerning salametliki heqqide melumat bérilmidi. weqe yüz bergen jaygha sehiye etriti we amanliqni saqlash xadimliri ewetilgenliki qeyt qilindi.
ichki ishlar ministirliqi bayanatchisi déjana nédélkowich ayropilanda 4 neper italiye puqrasi we 2 neper kosowa puqrasi bolup jemiy 6 kishining barliqini éytti.
nédélkowich bu kishilerning kosowaning paytexti piristinge bérish üchün italiyening tiréwiso shehiridin uchqanliqini eskertti. tiréwiso shehiridin uchqan soda ayropilanining axsham waqtigha yéqin üsküptiki büyük iskender ayrodorumigha 10 kélométir qalghan jayda radardin yoqulup ketkenliki bildürülgen idi. arqidinla élip bérilghan tekshürüshlerde ayropilanning chüshüp ketkenliki éniqlandi.
