önjü kecheli iraqning kormor tebiiy gazliqidiki türkiye puqraliri heqqide bayanat élan qildi

türkiye awazi radiyosi xewiri: türkiye tashqi ishlar ministirliqi bayanatchisi önjü kecheli sulaymaniyening chemchemal nahiyesidiki kormor tebiiy gaz meshghulat rayonida ishlewatqan türkiye puqralirining ehwali üstide toxtilip: «iraqning sulaymaniye shehirining chemchemal nahiyeside jüme küni bixeterlik mesilisi yüz berdi. hazir ehwal tinchdek qilidu» dédi.

önjü kecheli éks (X( adrésida hembehrligen bayanatida, chemchemal nahiyesige qarashliq kormor rayonida tebiiy gaz suyuqlandurush zawuti qurush layihesige türk shirketliriningmu qatnashqanliqini bildürdi.

u munasiwetlik shirketlerde ishlewatqan türkiye puqraliridin tarqaqlashturush telipi kelgendin kéyin, türkiyening erbil konsulxanisining derhal heriketke ötüp, kéreklik yardem we yétekchilik xizmetliri bilen teminligenlikini tilgha aldi.

u bayanatida, «iraqning sulaymaniye shehirining chemchemal nahiyeside jüme küni bixeterlik mesilisi yüz berdi. hazir ehwal tinchdek qilidu» dédi we rayondiki özgirishlerni yéqindin közitiwatqanliqlirini bildürdi.  

iraqning sulaymaniye shehirige qarashliq kormor tebiiy gaz meshghulat rayonigha qilinghan uchquhujumida, üch kishining qaza qilghanliqi bildürülgen idi.

chemchemal nahiyesi bashliqi remq ramazan yerlik taratqulargha bergen bayanatida, merkiziy ereb birleshme xelipilikide bolghan énérgiye shirkiti «Dana Gas» teripidin échiliwatqan kormor tebiiy gaz meshghulat rayonigha uchqu bilen hujum qilish weqesi yüz bergenlikini we hujumda üch kishining qaza qilip, üch kishining yarilanghanliqini bildürgen idi.

bu zawut 25 - yanwardimu (2024) uchquhujumigha uchrighan bolup, aldinqi yillardimu bashqurulidighan bomba hujumlirigha duch kelgen idi.