türkiye gollandiye bash ministirining nato bash katipi bolushini qollaydu

türkiye awazi radiyosi xewiri: rutté aldinqi hepte istanbulda dölitimiz (türkiye jumhuriyiti) jumhur reisi rejep tayyip erdoghan  bilen körüshken we türkiyedin özining shimaliy atlantik ehdi teshkilati-natoning bash katipi bolushini qollishini telep qilghanidi.

türkiye shimaliy atlantik ehdi teshkilati ezalirigha rutténi qollaydighanliqini yetküzdi.

jumhur reis rejep tayyip erdoghan 26 – aprél küni (2024)gh türkiyede ziyarette bolghan gollandiye bash ministiri mark rutté bilen wahdettin sariyida ayrim körüshkenidi.

gollandiye bash ministiri mark rutté jumhur reis rejep tayyip erdoghan bilen birlikte ötküzgen qoshma axbarat élan qilish yighinida, natoning jenubiy qanitining türkiye we türkiyening rehberlikige mohtaj ikenlikini tekitlep mundaq dégenidi:

«türkiye (xelqaraliq halqiliq mesililerde) hel qilghuch rol oynawatidu. mesilen, ghezze kirizisini hel qilish üchün nahayiti zor tirishchanliq körsitiwatidu. shuning bilen bir waqitta, ukrainadiki dehshetlik urushqa xatime bérilishini emelge ashurush yolida nahayiti zor tirishchanliqlarni körsetmekte. bu jehette siz muhim rol oynawatisiz.»