jewdet yilmaz: tereqqiyat yoli layihesi yéngi bir nepes bolidu
muawin jumhur reis jewdet yilmaz tereqqiyat yoli layihesining türkiye we pütkül rayon üchün yéngi bir nepes bolidighanliqini bildürdi.
türkiye awazi radiyosi xewiri: muawin jumhur reis jewdet yilmaz t r t xewer qanilining pirogrammisida «tereqqiyat yoli layihesi» heqqide muhim melumatlarni berdi we soallargha jawab berdi.
u jumhur reis rejep tayyip erdoghanning iraqta élip barghan ziyaritining ikki dölet otturisdiki soda munasiwetlirige qandaq tesir körsitidighanliqigha dair soalgha jawab bergende, türkiyening iraq bilen köp tereplimilik munasiwetlerge ige ikenlikini bildürdi.
u bixeterlik, térrorluqqa qarshi küresh we énérgiye bilen birlikte ikki dölet otturisidiki sodining intayin muhimliqini tekitlep, ziyaretning eng halqiliq küntertipining tereqqiyat yoli layihesi bolghanliqini éytti.
u bu layihening türkiye we pütkül rayon üchün yéngi bir nepes yoli bolidighanliqini eskertip: «türkiye bu layihe arqiliq istratégiyelik ornini téximu yuqiri kötüridu» dédi.
u tereqqiyat yoli layihesining hemkarliq nuqtisidin muhimliqini tekitlep: «ziddiyet, urush - jédel, étnik bölünüshler, mezhep toqunushi ... bularning héchkimge paydisi yoq. bizning qilishqa tégishlik ishimiz hem bixeterlik, hem iqtisad jehette téximu köp hemkarliq ornitishtur. men ishinimenki, biz buni emelge ashurghan teqdirde, rayonda bashqiche bir sewiyege kélimiz» dédi.
