yashar güler: «iraq bilen birleshme heriket merkizi qurimiz»
dölet mudapie ministiri yashar güler iraq bilen birleshme heriket merkizi qurush heqqide toxtilip, «birleshme heriket merkizining mesuliyetliri éniq bolidu, hazir qurup chiqish toghrisida her ikki terep ortaq qarar maqullidi» dédi.
2131292
türkiye awazi radiyosi xewiri: dölet mudapie ministiri yashar güler türkiye büyük millet mejlisi (parlaménti) da ötküzülgen 23 - aprél balilar bayrimini kütüwélish yighinida muxbirlarning soallirigha jawab berdi.
yashar güler iraq bilen birleshme heriket merkizi qurush heqqidiki soalgha jawab bérip: «xizmetlirimiz dawamlishidu, némilerni qilishqa bolidighanliqi heqqide ular bilen birlikte xizmet qilimiz. andin birleshme heriket merkizining mesuliyetliri éniq bolidu. hazir peqet qurup chiqish toghrisida her ikki terep ortaq qarar maqullidi» dédi.
