erdoghan ösmürler heyitini jumhur reislik mehkimiside qarshi aldi
erdoghan jumhur reislik mehkimiside milliy maarip ministiri yüsüp tekinning hemrahliqidiki kichik ösmürlerning ziyaritini qobul qildi.
türkiye awazi radiyosi xewiri: jumhur reis rejep tayyip erdoghan: «tariximizdiki mushundaq muhim bir künning (23-aprélning) balilargha sowgha qilinishi tasadipiyliq emes, elwette. bu dölitimizning peqetla balilargha emes, belki öz kelgüsigimu ehmiyet bergenlikining ipadisidur» dédi.
erdoghan balilargha xitab qilip, 23-aprél dölet igilik hoquqi we balilar bayrimini tebriklidi.
erdoghan türkiyediki ösmürler bilen birlikte pütün dunyadiki barliq ösmürlerning bayrimida ösmürlerni jumhur reislik mehkimiside qarshi alghanliqidin intayin xushal bolghanliqini ipadilep, dunyadiki barliq ösmürlerge söygülirini yollidi.
erdoghan türkiye büyük millet mejlisi (parlaménti) ning tunji reisi, musteqilliq urushining bash qomandani we jumhuriyetning qurghuchisi ghazi mustapa kamal atatürk qatarliq türkiyening hazirqi ehwalgha kélishide töhpisi bolghan barliq kishilerni hörmet bilen esleydighanliqini tilgha aldi we 23 - aprélda balilar bayrimi bilen teng türkiye büyük millet mejlisi échilghanliqining 104 - yilliqinimu tebrikleydighanliqini eskertip yene mundaq dédi:
«tariximizdiki bundaq muhim bir künning kelgüsimizning kapaliti bolghan ösmürlerge sowgha qilinishi tasadipiyliq emes, elwette. bu dölitimizning peqetla balilargha emes, belki öz kelgüsigimu ehmiyet bergenlikining ipadisidur. bizmu türkiye esri tesewwurini sizlerge amanet qilduq. türkiye jumhur reisi bolush süpitim bilen her biringlarning bu amanetke eng güzel shekilde ige chiqidighanliqinglargha ishinimen»
