ömer chelik: «bu israiliyening qirghinchiliqlirini yoshurush urunishidin bashqa nerse emes»
adalet we tereqqiyat partiyesi bayanatchisi ömer chelik israiliye tashqi ishlar ministiri yisrail katzning jumhur reis rejep tayyip erdoghanni hujum nishani qilghan bayanatigha jawab qayturdi.
türkiye awazi radiyosi xewiri: adalet we tereqqiyat partiyesi bayanatchisi ömer chelik israiliye tashqi ishlar ministiri yisrail katzning jumhur reis rejep tayyip erdoghanni hujum nishani qilghan bayanati üstide toxtilip, «bu israiliye hökümitining qirghinchiliqlirini yoshurush urunishidin bashqa nerse emes» dédi.
ömer chelik ijtimaiy alaqe hésabidiki bayanatida: «israiliye tashqi ishlar ministirining jumhur reisimizni nishan qilghan heddini bilmes bayanati israiliye hökümitining qirghinchiliqlirini yoshurush urunishidin bashqa nerse emes. bu balilar qatilliri her türlük urush toxtitish we tinchliq teshebbuslirigha düshmenlik qilmaqta. shunglashqa jumhur reisimizning urush toxtitish we tinchliq üchün rehberlik qilghan siyasiti bu qirghinchiliq shaykilirining hujumigha uchrawatqanliqini bilimiz. emma ular néme qilishidin qetiynezer, insaniyet wijdani aldida jinayetchi we haman bir küni qanun aldida jawabkarliqqa tartilidu» dédi.
israiliye tashqi ishlar ministiri yisrail katz jumhur reis rejep tayyip erdoghan we hamas siyasiy biyrusi reisi ismail heniyening resimini X ijtimaiy alaqe supisida hembehirlep, haqaret we töhmetlerge tolghan éniqlimilarni yazghan idi.
