türkiyedin ewetilgen 3 ming 774 tonna yardem boyumliri misirdin ghezzege qarap yolgha chiqti
türkiyedin ghezzege ewetilgen «9 - yaxshiliq paraxoti» diki 3 ming 774 tonna insanperwerlik yardem boyumlirining birinchi qismi qachilanghan yük aptomobilliri misirdin ghezzege qarap yolgha chiqti.
türkiye qizil ay jemiyiti bashchiliqida teminlengen yémeklik, bowaqlar buyumliri we uxlash xaltisi qatarliq jiddiy éhtiyajliq buyumlarni israiliyening wehshiyane hujumigha uchrawatqan ghezze rayonidiki pelestin xelqige waqtida yütküzüsh üchün jiddiy xizmetler dawamlashmaqta.
mersinde qachilanghan yardem boyumlirini élip yolgha chiqqandin kéyin, tünügün ghezzege yéqin el-arish portida lengger tashlighan «9 - yaxshiliq paraxoti» da yük chüshürüsh teyyarliq xizmetliri tamamlandi.
paraxottin yük aptomobillirigha 227 ming 63 yémeklik oralmisi, 869 tonna un, 14 ming 700 bowaq zakisi, 2000 uxlash xaltisi we 400 tonna her xil boyumlar qachilandi.
yüklesh xizmiti tamamlanghan deslepki yük aptomobil etriti refah chégra éghizigha qarap yolgha chiqti.
yardem boyumliri tamozhna resmiyetliri tamamlanghandin kéyin ghezzediki éhtiyajliq kishilerge yetküzülishi üchün pelestin qizil ay jemiyitige tapshurup bérilidu.
