türkiyening toqquzinchi yardem paraxoti elersh portigha yétip bardi

türkiye awazi radiyosi xewiri: türkiye qizil hilal ay jemiyiti bashchiliqida toplanghan yémeklik, bowaq lazimetlikliri we uxlash xaltisi qatarliq jiddiy éhtiyajliq lazimetliklerni israiliyening hujumigha uchrawatqan ghezzediki pelestinliklerge yetküzüp bérish xizmetliri üzlüksiz dawamlashmaqta.

4-ayning 16-küni mersindin qachilanghan yardem buyumlirini élip yolgha chiqqandin kéyin, misirning ghezzege yéqin yérige jaylashqan elersh portigha lengger tashlighan «9-yaxshiliq paraxoti»ni boshitish teyyarliqliri tamamlandi.

paraxotqa yéqinlashqan kiran 227 ming 63 dane yémeklik boliqi, 869 tonna un, 14 ming 700 dane bowaq zakisi, 2 ming uxlash xaltisi we 400 tonna éghirliqidiki bashqa yardem buyumlirini portqa chüshürüshke bashlidi.

chüshürüsh axirlashqandin kéyin, yük mashinilirigha bésilip refah chégra éghizigha élip bérilidighan yardem buyumliri, tamozhna resmiyetliridin kéyin ghezzediki qiyinchiliqi bar kishilerge yetküzüp bérilidu.