erdoghan iran-israiliye otturisidiki jiddiychilik heqqide bayanat élan qildi
dölitimiz (türkiye jumhuriyiti) jumhur reisi rejep tayyip erdoghan ne iranning ne israiliyening hazirgha qeder heyran qalarliq héchqandaq bayanat élan qilmighanliqini éytti.
türkiye awazi radiyosi xewiri: jumhur reis rejep tayyip erdoghan istanbulda muxbirlarning soallirigha jawab bergende, israiliye bilen iran otturisidiki jiddiychilik heqqide toxtilip mundaq dédi:
«israiliye bilen iran oxshimighan köz qarashlarni otturigha qoyuwatidu. israiliye terepte irangha qaritilghan hujumning jawabkarliqini héchkim öz üstige almaywatidu, bu heqte her ikki terepte heyran qalarliq héchqandaq bayanatmu yoq. iranning bayanatlirini toghra dégili bolmaydu, derweqe israiliyening bayanatliri toghrisidimu bir nerse dégili bolmaydu. (israiliye terep irangha qilinghan hujum toghrisida bayanat élan qilishi üchün) amérika qoshma ishtatlirini aldinqi pilangha chiqiriwatidu.»
iran taratquliri iran hawa armiyesi bazisi jaylashqan ispahan ölkisining sherqiy shimalida partlash anglanghanliqini xewer qilip uzun ötmey paytext téhran, ispahan, shiraz we iranning bezi jaylirida ayropilan seperlirining toxtitilghanliqini bildürgenidi.
amérika taratquliri israiliyening iran térritoriyesige hujum qozghighanliqini xewer qilghanidi.
