iraq we süriyede 75 térrorchi bir terep qilindi
iraq we süriyening shimalida térrorchilargha ejellik zerbe bérilmekte.
türkiye awazi radiyosi xewiri: türkiye armiyesining iraq we süriyening shimaliy qismini öz ichige alghan rayonlarda dawamlishiwatqan zerbe bérish heriketliri dawamida, bölgünchi térrorluq teshkilati p k k ezasi 75 térrorchi bir terep qilindi.
2024 – yili 1 – yanwardin buyan bir terep qilinghan térrorchilarning sani iraqning shimalida 331, süriyening shimalida 417 bolup, jemiy 748 ge yetti.
térrorizmgha qarshi küreshning keskin dawamlishishigha egiship térrorluq teshkilatidin qéchishmu dawamlashmaqta.
iraqning shimalidiki panahlinish saheliridin qachqan bölgünchi térrorluq teshkilati p k k ezasi yene bir térrorchi, 4 – aprél küni harbur chégra mudapie tekshürüsh ponkitigha teslim boldi.
türkiye jumhuriyiti dölet mudapie ministirliqi menbeliri teripidin iraqning shimalidiki zerbe bérish heriketliri heqqide élan qilinghan bayanatta: «térrorchilarning uwiliri bu yil yaz mewsumida yer bilen yeksan qiliwétilidu» déyildi.
