insanperwerlik yardem paraxoti mersindin yolgha chiqti
türkiye qizilay jemiyitining ghezzege yetküzüsh üchün 3 ming 774 tonna insanperwerlik yardimi bésilghan paraxot tünügün (16-aprél) mersin xelqara portidin qozghaldi.
türkiye awazi radiyosi xewiri: 7-öktebir (2023) din buyan isirailiyening bombardimani astida turuwatqan ghezzediki pelestin xelqige yetküzüsh meqsitide toplanghan yémek-ichmek malzimiliri, bowaq malzimiliri, uyqu tulumi qatarliqlardin terkip tapqan 3 ming 774 tonna yardem bésilghan paraxot, murasim bilen yolgha sélindi.
paraxot 40 saetlik seperdin kéyin, ghezzege eng yéqin jay bolghan misirning elarish portigha yétip baridu. arqidin yardemler yük aptomobilliri bilen refah chégra éghizigha yetküzülidu. chégrada munasiwetlik resmiyetler béjirilgendin kéyin, pelestin qizilay jemiyitige tapshurup bérilidu.
türkiye ghezzege isirailiyening hujumliri bashlanghandin béri 13 ayropilan we sekkiz paraxotta jemiy 39 ming 697 tonna insanperwerlik yardimi yetküzdi.
