erdoghan qatar emiri sheyx tamim bin hamad el sani bilen körüshti

türkiye awazi radiyosi xewiri: jumhur reislik mehkimisi uchur - alaqe idarisining bayanatigha asaslanghanda, erdoghan-el sani söhbitide, türkiye - qatar munasiwetliri, xelqaraliq we rayon xaraktérlik mesililer, israiliyening ghezzege qiliwatqan hujumliri we insanperwerlik weziyiti qatarliqlar muzakire qilinghan.

jumhur reis erdoghan söhbette, israiliyening ghezzege qiliwatqan wehshiyane hujumini toxtitish we sadir qiliwatqan insaniyetke xilap jinayetlirining jazalinishi üchün islam dunyasining birlikte küch chiqirishi kéreklikini tekitligen.

erdoghan rayonda jiddiychilikning kéngiyip kétishining aldini élish üchün israiliyeni tézdin cheklesh we salmaqliq bilen heriket qilishning intayin muhimliqini bildürgen.

söhbette yene, jumhur reis erdoghan bilen qatar emiri el sani bir-birlirining roza héytini tebrikligen.