türkiyede we dunyadiki nurghun döletlerde, musulmanlar roza héytni tebriklidi
roza héytning birinchi küni etigende, kishiler héyt namizini oqush üchün jamelerge sel bolup aqti. jamelerni liq toldurghan musulmanlar, namazdin kéyin dua qildi, arqidin bir-birining héytini mubareklidi.
türkiye awazi radiyosi xewiri: paytext enqerede etigen seherde jameler liq toldi. chet ellerdin kelgen musulmanlarning jamelerge özining milliyche kiymi bilen kélishi, közge alahide chéliqti. paytexttikilermu namazni ada qilghandin kéyin, bir-birining héytini tebriklidi.
istanbulda oxshimighan jaylardin kelgen yerlik we chet ellik musulman sayahetchiler, héyt namizini chong we tarixiy jamelerde oqudi. namaz axirlashqandin kéyin, jamening hoyla we baghchilirida bir-birining héytini mubareklidi.
türkiyening bashqa wilayet sheherliridimu, kishiler héyt namizini oqush üchün jamelerge sel bolup aqti. namazdin kéyin, bir-birining héytini tebriklidi.
bügün ishghal astidiki sherqiy quddusta 60 mingdin artuq musulman isirailiyening türlük cheklimilirige qarimay, héyt namizini mesjidi eqsada oqudi.
giruziye, qirghizistan, özbékistan, ezerbeyjan, afghanistan we shiwétsiyediki musulmanlarmu héyt namizini ada qilghandin kéyin, bir-birining héytini tebriklidi.
