edoghan: pelestindiki zulum üch charek esirdin buyan dawam qilmaqta
jumhur reis rejep tayyip erdoghan pelestindiki ishghaliyet, zulum we qirghinchiliq siyasitining üch charek esirdin buyan izchil dawamlishiwatqanliqini éytti.
türkiye awazi radiyosi xewiri: jumhur reis erdoghan türkiye radiyo-téléwiziye idarisining «TRT1» qanilida tarqitiliwatqan quran kerimni güzel tilawet qilish musabiqisining hel qilghuch musabiqisige qatniship söz qildi؛ u sözide islam dunyasi duch kelgen mesililerni tilgha élip: «qoshnimiz süriye 13 yildin buyan qalaymiqanchiliq we malimanchiliqtin qutulalmidi. liwiye we yemendimu téxiche tinchliq ornitilalmidi. sudanda milyonlarche kishi öy-makanliridin ayrilishqa mejbur boldi. pelestindiki ishghaliyet, rehimsizlik we qirghinchiliq siyasiti üch charek esirdin buyan izchil dawamlashmaqta. ghezzelik qérindashlirimiz 180 kündin buyan duchar boluwatqan zulum we qirghinchiliqni teswirleshke sözler kupaye qilmaydu» dédi.
jahangir küchlerning islam jughrapiyeside oyunlarni oynighanliqini bayan qilghan erdoghan, mustemlikichi küchlerning islam döletliridiki yer asti bayliqlirini sümürüatqanliqini otturigha qoyup: «biz afriqadin asiyaghiche bolghan nurghun rayonlargha nezer salidighan bolsaq, bu sömürüsh chaqining qandaq qurulghanliqini we qandaq ishleydighanliqini asanla köreleymiz. urush we toqunush bu qorallarning eng yüksek pellisidin orun almaqta. bügün süriye, yemen, liwiye, sudan, pelestin we bashqa nurghun islam zéminini qangha boyighan toqunushlarning, zulumlarning perde arqisida sümürüsh sistémisini dawamlashturush pilani yatidu» dégenlerni qeyt qildi.
jumhur reis erdoghan islam dunyasining quran kerimning yéteklishige herqandaq waqittikidinmu bek mohtaj ikenlikini tekitlidi.
