xaqan fidan shimaliy atlantik ehdi teshkilati yighini üchün biryussélgha yétip bardi

türkiye awazi radiyosi xewiri: shimaliy atlantik ehdi teshkilati-nato tashqi ishlar ministirliri 3 - apréldin 4 – aprélghiche ötküzülidighan 2024 – yilining tunji yighini üchün bélgiyening paytexti biryussélda bir yerge jem bolidu.

tashqi ishlar ministiri xaqan fidan yighinda türkiyege wakaliten biryussélgha yétip bardi.

yighin küntertipide, omumiy chékindürgüch küchke munasiwetlik témilar, térrorluqqa qarshi küresh we ukrainadiki özgirishlerning barliqi melum.  

yighinda, shiwétsiye bilen finlandiye eza bolghandin kéyinki natoning eng yéngi weziyiti shundaqla washington bashliqlar yighinining teyyarliqlirimu küntertipke kélidu.

ministir xaqan fidan yighinda natoning térrorluqqa qarshi ortaq küresh qilishi kéreklikini we buning natoning wezipiliridin birsi ikenlikini, hemde natoning bir qisim ezalirining bölgünchi térrorluq teshkilati p k k/y p g bilen hemkarliq munasiwiti ornitishni qetiy qobul qilghili bolmaydighanliqini yene bir qétim tekitleydu.

xaqan fidan yene, ittipaqdashlarning mudapie sanaiti saheside özara émbargo we cheklime qoyushining natoning rohigha xilap ikenlikini tilgha élip, türkiyening yawropaning mudapie we bixeterlikige ünümlük kapaletlik qilishqa alaqidar köz qarashlirini yetküzidu.

yighin jeryanida, ministir fidanning engliye, gérmaniye, bulghariye we finlandiye tashqi ishlar ministirliri bilen ayrim körüshidighanliqi texmin qilinmaqta.