fidan nato tashqi ishlar ministirliri yighinigha ishtirak qilidu
türkiye térorluqqa qarshi küresh mesilisini shimaliy atlantik ehdi teshkilati — nato bashliqlar yighinida otturigha qoyidu.
2123515
türkiye awazi radiyosi xewiri: natogha eza döletler tashqi ishlar ministirlirining 2024-yilidiki tunji nöwetlik yighini 3-, 4-aprél künliri bélgiyening paytexti biryussélda échilidu؛ yighingha türkiyege wakaliten tashqi ishlar ministiri xaqan fidan ishtirak qilidu.
yighinning küntertipi natoning omumiy yaltaytish küchi mesilisi, térorluqqa qarshi küresh we ukrainadiki özgirishlerni öz ichige alidu.
yighinda, natoning shiwétsiye bilen finlandiye eza bolghandin kéyinki ehwali we washingtonda chaqirilidighan bashliqlar yighinining teyyarliq xizmetlirimu muzakire qilinidu.
ministir fidan yighinda, natoning térorluqqa qarshi ortaq küresh qilishi kéreklikini, buning natoning wezipilirining biri ikenlikini otturigha qoyup, natoning bir qisim ezalirining bölgünchi térrorluq teshkilati p k k / y p g bilen hemkarliq munasiwiti ornitishini qobul qilghili bolmaydighanliqini yene bir qétim tekitleydu.
ministir fidan yene, natogha eza döletlerning mudapie sanaiti saheside özara jaza we cheklimilerni qoyushining ittipaqning rohigha xilap ikenlikini bayan qilidu hemde türkiyening yawropaning mudapie we bixeterlikige qandaq kapaletlik qilish toghrisidiki köz qarishini otturigha qoyup ötidu.
u yene engliye, gérmaniye, bulghariye we finlandiyelik mensepdashliri bilenmu ayrim uchrishishlarni ötküzidu.
مۇناسىۋەتلىك خەۋەرلەر
türkiyening awiyatsiye sahesi mulazimitide rékort yaritildi
aprél éyida türkiye miqyasidiki ayrodurumlarda 18 milyongha yéqin yoluchi toshuldi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.