altun: pelestin tariximizning ayrilmas bir parchisi
türkiye jumhuriyiti jumhur reislik mehkimisi uchur – alaqe ishliri idarisi bashliqi fahrettin altun, «tarix boyiche dunyaning herqaysi jaylirida adalet we tinchliqni qoghdap kelgen bir xelq bolush süpitimiz bilen, pelestin xelqining yénida turimiz» dédi.
türkiye awazi radiyosi xewiri: fahrettin altun jumhur reislik mehkimisi uchur – alaqe ishliri idarisining istanbuldiki galataport posulka pochtixanisida uyushturulghan «esirlik amanet: qizilay esir mektupliri körgezmisi»ni ziyaret qildi we u yerde söz qilip: «körgezmimizde (birinchi dunya urushi mezgilide) pelestin firontida esirge chüshüp qalghan eskerlirimizning mektupliri we süretliri üchün alahide orun ajrattuq. bu resimler we süretlerning bizge éytip béridighini, pelestinning tariximizning ayrilmas bir qismi ikenlikidur. tarix boyiche dunyaning herqaysi jaylirida adalet we tinchliqni qoghdap kelgen bir xelq bolush süpitimiz bilen, bügünmu pelestin bizning bir parchimizdur, pelestin xelqining yénida turimiz, arqisida turimiz, ularning heqliq dewasini qollaymiz» dédi.
körgezmini özlirining heq bilen naheq otturisidiki küreshte qeyerde turuwatqanliqini namayan qilish nuqtisidin intayin qimmetlik dep qaraydighanliqini bildürgen altun, 25 ming parche esir mektupini 100 yil boyiche saqlap kelgen türk qizilay jemiyitige we paaliyetke tohpe qoshqan t r t gha minnetdarliq bildürdi.
