erdoghan partiyesining qeyseri yighilishida söz qildi
jumhur reis, qoshumche adalet we tereqqiyat partiyesi reisi rejep tayyip erdoghan, partiyesining qeyseri chong yighilishida ishtirakchilargha xitab qildi.
türkiye awazi radiyosi xewiri: jumhur reis rejep tayyip erdoghan 21 yilda türkiye iqtisadini üch hesse ashurghanliqlirini, uni yene ikki hesse tereqqiy qildurup, dunyadiki eng küchlük iqtisadiy gewdiler qataridiki layiq orungha ige qilishni nishan qilghanliqlirini bildürdi.
erdoghan sözlirini xelqning noruz bayrimini tebrikligen halda bashlap: «men jughrapiyemizdiki noruzning shatliqini bashtin kechürüwatqan pütün qérindashlirimizning noruz bayrimini tebrikleymen. ottura asiyadin balqan rayonighiche bolghan keng rayonda yéngi ümidler bilen tebriklengen noruzning yaxshiliqlargha wasite bolushini tileymen» dédi.
erdoghan türkiye iqtisadi toghrisida toxtilip: «21 yilda türkiye iqtisadini üch hesse ashurushqa muweppeq bolduq. emdiki nishanimiz, aldimizdiki mezgilde dölitimizni yene ikki hesse tereqqiy qildurup, dunyaning eng küchlük iqtisadiy gewdiliri qataridiki özige layiq orungha ige qilishtur» dégenlerni qeyt qildi.
