xaqan fidan: «biz pelestinlik qérindashlirimizni hergiz yalghuz qoymaymiz»

türkiye awazi radiyosi xewiri: xaqan fidan bursada bir iptar pirogrammisigha qatniship sözligen nutuqida, israiliye 7–öktebir (2023) din buyan wehshiylerche hujum qiliwatqan ghezze terepke hemmining diqqitini tartti.

xaqan fidan dunyaning qiyin ötkelliridin birsidin ötüwatqanliqini tekitlep: «dunya we rayonimizning qeyerge qarap kétiwatqanliqini yaxshi, toghra chüshinip  yételishimiz kérek. milliy menpeetimizni qoghdashning yönilishni yaxshi we toghra bilishimiz lazim. dunyaning hemmila etrapidiki irqdashlirimizgha we qelb jughrapiyemizdiki  qérindashlirimizgha heqiqiy menidin ige chiqishning yolimu mushuningdin bashlinidu» dédi.

dunyada géopolitikiliq riqabettin bashqa yene, kirizislar we toqunushlarningmu küchiyiwatqanliqini eskertken xaqan fidan: «israiliyening wehshiyliki xelqara qanunnila emes, ghezzediki barliq insaniy qimmet qarashlarnimu depsende qilmaqta. yüz bériwatqan ishlar ghezze bilenla cheklinip qalghini yoq. gherbiy qirghaqtiki yehudiy köchmenler térrorluqi arqiliq pelestinlik qérindashlirimizning yer – mülüklirini tartiwalmaqta. biz türkiye bolush süpitimiz bilen, bu wehshiylikning axirlishishi üchün her sahede pütün küchimiz bilen tirishchanliq körsitishni dawamlashturimiz, pelestinlik qérindashlirimizni hergiz yalghuz tashlap qoymaymiz» dédi.