bügün chanaqqele déngiz zepirining 109-yilliqi...
birinchi dunya urushi jeryanida 1915-yili 18-mart osmanli impératorluqining ghelibisi bilen axirlashqan chanaqqele déngiz zepiri, her yildikige oxshash iptixarliq bilen tebriklenmekte.
türkiye awazi radiyosi: tarixiy gelibolu yérim arilida, shéhitlerni xatirilesh küni we chanaqqele déngiz zepirining 109-yilliqi munasiwiti bilen murasim ötküzüldi.
murasimgha jumhur reis rejep tayyip erdoghan qatnashti we muhim söz qildi.
türkiye jumhuriyitining qurghuchisi mustapa kamal atatürkni öz ichige alghan chanaqqeleni bösüp ötkili bolmaydighan halgha ekelgen, düshmenge qarshi turup, bu zéminlarni kéyinki ewladlar üchün weten qilghanlar, ghayet zor iptixarliq, rehmet we minnet hés-tuyghuliri bilen xatirilendi.
chanaqqelede 18-mart shéhitlerni xatirilesh küni we déngiz zepirining 109-yilliqining birinchi murasimi, jumhuriyet meydanida ötküzüldi.
dölet mudapie ministiri yashar güler bashchiliqidiki herbiy qomandanlar, ghazilar we siyasiy partiye wekilliri bilen, awstiraliye, yéngi zélandiye hemde engliye qatarliq döletlerning elchixana-konsulxanilirining wekillirimu murasimgha qatniship, atatürk xatire sariyigha gülchembirek qoydi. arqidin mudapie ministiri yashar güler «chanaqqeledin ötkili bolmaydu» dégen söz yézilghan médalni türkiye bayriqigha qadidi. sükütte turushtin kéyin, istiqlal marshi oquldi we bayraq chiqirildi.
murasim, chanaqqele boghuzida toxtitilghan «t j g (TCG) chong aral paraxoti» din 21 pay top oqi étish bilen axirlashti.
