türkiye qirim igiliwélinghanliqining 10 yilliqi munasiwiti bilen bayanat élan qildi
türkiye ukrainaning zémin pütünlüki we igilik hoquqini qollaydighanliqini qayta tekitlidi.
türkiye awazi radiyosi xewiri: türkiye jumhuriyiti tashqi ishlar ministirliqi «qirim qanunsiz igiliwélinghanliqining 10 yilliqi» munasiwiti bilen yazma bayanat élan qilip: «ukraina qirim aptonum jumhuriyitining 2014-yili 16-martta ötküzülgen qanunsiz omumiy xelq bélet tashlash paaliyiti arqiliq rusiye fédératsiyesi teripidin igiliwélinghinigha 10 yil boldi» dégenlerni qeyt qildi.
türkiyening asasliqi qirim tatar türklirining ehwali bolup, qirimdiki özgirishlerni dawamliq yéqindin közitidighanliqi we uni küntertipining muhim yéride qoyushni dawamlashturidighanliqigha isharet qilinghan bayanatta: «biz xelqara qanungha xilap bu qilmishni étirap qilmaydighanliqimizni shundaqla ukrainaning zémin pütünlüki we igilik hoquqini qollaydighanliqimizni tekrarlaymiz» dégen ibarilerge orun bérildi.
