iraq dölet xewpsizlik kéngishi «p k k qanunsiz teshkilat» dep qarar chiqardi

türkiye awazi radiyosi xewiri: türkiye tashqi ishlar ministiri xaqan fidan bilen iraq muawin bash ministiri we tashqi ishlar ministiri fuad hüseyin bashchiliqidiki ikki terep heyiti, paytext baghdadta bir yerge jem boldi.

«türkiye-iraq xewpsizlik méxanizmi muzakiresi» din kéyin élan qilinghan ortaq xitabnamede, jumhur reis rejep tayyip erdoghanning iraq ziyaritining teyyarliqliri muzakire qilinghanliqi bildürüldi.

xitabnamede, iraqning siyasiy we zémin pütünlükige, igilik hoquqigha ehmiyet bérilidighanliqi tekitlinish bilen birge, bölgünchi térrorluq teshkilati p k k ning türkiye we iraq üchün xewpsizlik tehditi peyda qilidighanliqi؛ mezkur teshkilatning iraq zéminida mewjut bolushining iraq asasiy qanunigha xilap ikenliki qeyt qilindi.

xitabnamede, türkiyening iraq dölet xewpsizlik kéngishi teripidin bölgünchi térrorluq teshkilatini iraqta «qanunsiz teshkilat»dep qarar chiqirilghanliqini qizghin qarshi alghanliqi, tereplerning iraq zéminidin paydilinip türkiyeni hujum nishani qilghan teshkilat we quyruqchilirigha qarshi élinishi kérek bolghan zörür tedbirlerningmu muzakire qilinghanliqi eskertildi.