فىدان ئىراقتىكى ئۇچرىشىشلىرىنى ئاخىرلاشتۇرۇپ، ئەزەربەيجانغا يۈرۈپ كەتتى

تۈركىيە ئاۋازى رادىيوسى خەۋىرى: مىنىستىر خاقان فىدان ئەزەربەيجاندا چاقىرىلىدىغان «تۈركىيە-ئەزەربەيجان-گىرۇزىيە» ئۈچ تەرەپ تاشقى ئىشلار مىنىستىرلىرى يىغىنىغا قاتنىشىدۇ.

مەنسەپداشلىرى بىلەن ئايرىم ئۇچرىشىشلارنى ئۆتكۈزۈشىمۇ پىلانلىنىۋاتقان مىنىستىر فىداننىڭ 11-نۆۋەتلىك باكۇ مۇنبىرىگە قاتنىشىشى مۆلچەرلەنمەكتە.

ئۇ ئىراقنىڭ پايتەختى باغدادتىن ئايرىلىشتىن بۇرۇن، ئىراق تۈركمەن فرونتى رەئىسى ھەسەن تۇران ۋە كەركۈك پارلامېنت ئەزاسى ئەرشات سالىھى قاتارلىقلار بىلەن كۆرۈشتى.