تۈركىيە بىرازىلىيەگە تەزىيە بىلدۈردى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى دىپلوماتىيە مىنىستىرلىقى تەرىپىدىن بۇ ھەقتە ئېلان قىلىنغان يازما باياناتتا، مۇنداق دېيىلدى:

«برازىلىيەدە قارا يامغۇر ۋە كەلكۈن ئاپىتىنىڭ ئادەم ئۆلۈش ھەم ئېغىر زىيان كەلتۈرۈپ چىقارغانلىقىدىن تولىمۇ ئەپسۇسلانغان ھالدا خەۋەر تاپتۇق. بىرازىلىيە ھۆكۈمىتى ۋە خەلقىگە، كەلكۈن ئاپىتىدە ھاياتىدىن ئايرىلغانلارنىڭ ئۇرۇق-تۇغقانلىرىغا تەزىيە بىلدۈرىمىز.»

بىرازىلىيەنىڭ جەنۇبىدىكى رىئودې گېرادې دوسۇل ئۆلكىسىدە ئالدىنقى ھەپتىدىن بۇيان داۋاملىشىۋاتقان قارا يامغۇر كەلتۈرۈپ چىقارغان كەلكۈن ئاپىتىدە نۇرغۇن ئادەم ھاياتىدىن ئايرىلغانىدى.