baghdadta xewpsizlikni asas qilghan muhim yighin échilidu
tashqi ishlar ministiri xaqan fidan, dölet mudapie ministiri yashar güler we istixbarat idarisining bashliqi ibrahim qalin bügün (14-mart) xewpsizlikni asas qilghan uchrishishlar üchün iraq paytexti baghdadqa yétip baridu.
türkiye awazi radiyosi xewiri: tashqi ishlar ministirliqi xaqan fidan bashchiliqidiki bir heyetning muhim uchrishish üchün iraq paytexti baghdadni ziyaret qilidighanliqi toghrisida bayanat élan qildi.
bayanatta, xaqan fidan bashchiliqidiki heyetning, türkiye bilen iraq otturisida ötküzülüwatqan xewpsizlikni asas qilghan uchrishishlar ramkisida iraq tashqi ishlar ministiri fuad hüseyinning sahibxanliqida emelge ashurulidighan yighingha qatnishish üchün baghdadqa baridighanliqi qeyt qilindi.
bayanatta, heyette dölet mudapie ministiri yashar güler, istixbarat idarisi bashliqi ibrahim qalin we muawin ichki ishlar ministiri münir karaoghluning barliqi eskertildi.
yighinda, térrorluqqa qarshi küresh, xewpsizlik we herbiy hemkarliq qatarliq ikki terepning küntertipidiki mesililerning keng dairide muzakire qilinidighanliqi bildürüldi.
