faxrettin altun nétanyahuning töhmetxorliqini qattiq eyiblidi
faxrettin altun israiliye bash ministiri nétanyahuning jinayitini yoshurush üchün türkiyege hujum qiliwatqanliqini bildürüp, «uning yalghanliri, aldamchiliqi, töhmetliri we kün tertipni özgertish urunushliri netijige érishelmeydu» dédi.
türkiye awazi radiyosi xewiri: jumhur reislik uchur – alaqe idarisi bashliqi faxrettin altun ijtimaiy alaqe hésabatida élan qilghan bayanatida, bigunah puqralargha qilinghan qirghinchiliqni yoshuralaydighan héchqandaq yalghan, tetür teshwiqat we aldamchiliqning yoqliqini tekitlep, «tarix uni (nétanyahuni) <hem rayonimizni, hem öz dölitini halaketke sörigen bir rehber> süpitide yazdi» dédi.
faxrettin altun yene mundaq dédi:
«nétanyahuning wijdansiz urush kabinéti yershari küchliridin meyli qanchilik yardem alsa alsun, buningdin qetiynezer, u rayondiki tinchliq we muqimliqqa bolghan ümidni yoqatqan pütünley netijisiz bir rehber süpitide tarixqa yézilidu. nétaniyahu we hökümiti élip barghan milliy tazilash herikiti sewebidin pelestinlikler nurghun azab-oqubetlerni bashtin kechürdi we bashtin kechürüshni dawamlashturmaqta. biz pütün küchimiz bilen bu siyasetlerge qarshi chiqimiz. uning yalghanliri, aldamchiliqi, töhmetliri we kün tertipini özgertish urunishliri netijige érishelmeydu. biz türkiye bolush süpitimiz bilen jumhur reis rejep tayyip erdoghanning rehberlikide, pelestinde heq we heqiqetni qollaymiz shundaqla mustemlikichilikni yoqitishni qallap quwwetleymiz. biz <adil we axirqi hel qilish charisi> dep ishinidighan ikki döletlik hel qilish charisi üchün dawamliq tirishimiz. pelestinlik qérindashlirimiz bilen dawamliq hemkarliq ichide bolushni dawamlashturimiz» dédi.
