türkiye israiliyening yardem öchiritide turuwatqan ghezzeliklerni qirghin qilishini eyiblidi
türkiye ghezzeliklerni acharchiliqqa duchar qilghan israiliyening, yardem öchiritide turuwatqan bigunah puqralarni zerbe obyékti qilishining, pelestin xelqini gherezlik halette kolléktip yoqitishni pilanlighanliqining pakiti ikenlikini otturigha qoydi.
türkiye awazi radiyosi xewiri: türkiye jumhuriyiti tashqi ishlar ministirliqining israiliyening ghezzede yardem kütüp turuwatqan puqralargha qaratqan hujumi toghrisidiki yazma bayanatida: «israiliye nablusi meydanida pelestinliklerni öltürüsh arqiliq, özi sadir qiliwatqan insaniyetke qarshi jinayetlerge yéngi bir jinayet qoshti. ghezzeliklerni acharchiliqqa duchar qilghan israiliyening, yardem öchiritide turuwatqan bigunah puqralarni zerbe obyékti qilishi, uning pelestin xelqini gherezlik halette kolléktip yoqitishni pilanlighanliqining pakitidur» dégen ibarilerge orun bérildi.
bayanatta yene: «israiliye ghezzediki herbiy herikitini derhal axirlashturushi kérek, emma israiliye hökümitining bundaq qarar chiqarghudek wijdani yoq. pütün dunya ghezzediki zulumning rayondin halqip, yer shari xaraktérlik tesir peyda qilidighan apetke aylinip kétish aldida turuwatqanliqini körüp yétishi kérek. biz bu dairide, israiliye hökümitige sözi ötidighan barliq qatlamlarni ghezzediki wehshiylikni toxtitishqa chaqirimiz» déyildi.
ghezzediki pelestin sehiye ministirliqi, israiliyening ghezzening jenubidiki rashid kochisi doqmushida insanperwerlik yardem saqlap turuwatqan pelestinliklerge hujum qilip, 112 kishining jénigha zamin bolghanliqini, 760 kishini yarilandurghanliqini élan qilghanidi.
