önal b d t omumiy kéngishide rusiye-ukraina urushi toghrisida söz qildi

türkiye awazi radiyosi xewiri: türkiyening birleshken döletler teshkilati  (b d t)da turushluq daimiy wekili sedat önal rusiye-ukraina urushi toghrisida toxitlip: «heqiqiy, sijil, hemmidin muhimi, emeliyleshtürüshke bolidighan tinchliq ornitish üchün kéchiktürmestin tirishchanliq körsitish kérek» dédi.

önal tünügün ötküzülgen b d t omumiy kéngishining ukrainadiki ishghal qilinghan yerler toghrisidiki yuqiri derijilikler yighinida söz qildi.

ukrainadiki urushning tesirining urush meydanidin halqip ketkenlikini, adem ölüsh we maddiy weyranchiliqning kündin-künge éghirlishiwatqanliqini otturigha qoyghan önal, bu urushning xelqara tinchliq we bixeterlik saheside dunyawi tesir peyda qilghanliqini eskertkendin kéyin: «türkiye birinchi kündin bashlapla bu urushqa qarshi ikenliki toghrisidiki pozitsiyesini izchil dawamlashturup, ukraina zéminining qoshuwélinishini ret qilip keldi» dédi.

bash elchi önal türkiyening qirim qanunsiz qoshuwéinghandin buyan, ukrainaning zémin pütünlüki, igilik hoquqi we siyasiy birlikini qollawatqanliqini qeyt qildi.

«qara déngiz ashliq kélishimi»ning diplomatiyening ünümini körsitip bergenlikini bildürgen önal: «mezkur kélishimni tutqa qilip, qaradéngizning soda qatnishi bixeterlikige kapaletlik qilish üchün, yéngi bixeterlik ramkisini qandaq berpa qilidighanliqimiz toghrisida izdinishimiz kérek» dégenlerni qeyt qildi.

bash elchi onal qara déngizning muqimliqining jiddiychilikning éghirliship kétishi we yer shari yémeklik bazirining yimirilishining aldini élishta muhim ehmiyetke ige ikenlikige isharet qilip ötti.