laheydiki xelqara sotta israiliyege qarshi doklat bérish nöwiti türkiyege keldi

türkiye awazi radiyosi xewiri: muawin tashqi ishlar ministiri bash elchi ehmet yildiz israiliyening pelestindiki ishghaliyiti we qanunsiz qoshuwélish qilmishliri heqqide bügün (26-féwral) xelqara jinayi ishlar sotida aghzaki doklat béridu.

texminen 30 minut dawamlishidighan doklatta, türkiyening pelestinni qollaydighanliqi xelqara jemiyet aldida qayta tekitlinidu.

türkiye israiliyening 1967-yildin buyan pelestin zéminida dawamlashturuwatqan qanunsiz qilmishliri toghrisidiki höjjet we melumatlarni xelqara jinayi ishlar soti bilen ortaqlishidu.

xelqara jinayi ishlar sotida bir heptidin buyan 47 dölet aghzaki doklat berdi.

ispat anglash sotining axirqi künide, türkiyenimu öz ichige alghan besh dölet we üch xelqaraliq teshkilat öz qarashlirini otturigha qoyidu.

xelqara jinayi ishlar sotining qarari qanuniy cheklesh küchige ige emes, emma israiliyege bolghan bésimni ashurushi mölcherlenmekte.

ghezze rayonigha 7 – öktebir (2023) din buyan wehshiyane hujumlirini dawamlashturuwatqan israiliye texminen 30 ming pelestinlikning jénigha zamin boldi.