türkiye rusiye-ukraina urushi toghrisida bayanat élan qildi
türkiye ukraina mesilisige ukrainaning musteqilliqi, igilik hoquqi we zémin pütünlüki asasida adil we menggülük hel qilish charisi tépish üchün dawamliq tirishidighanliqini bildürdi.
türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, ikkinchi yilini arqida qaldurghan rusiye-ukraina urushining ukrainagha yetküzgen éghir buzghunchiliqining tesirining künséri küchiyiwatqanliqini, uning rayon we dunya miqyasidiki selbiy aqiwetlirining barghanséri chongqurlishiwatqanliqini eskertti.
«biz diplomatik musapini qayta janlanduridighan pursetning haman bir küni tughulidighanliqigha ishinimiz» dégen ibarilergen orun bérilgen bayanatta, bu tonushni yaqlighan halda tereplerge zörür tekliplerni sunushning dawamlishiwatqanliqi tekitlendi.
bayanatta yene: «ukraina mesilisige ukrainaning musteqilliqi, igilik hoquqi we zémin pütünlüki asasida adil we menggülük hel qilish charisi tépish üchün dawamliq tirishimiz» déyildi.
rusiye 2022-yili 2-ayning 24-küni ukrainagha qarshi urush achqanidi.
مۇناسىۋەتلىك خەۋەرلەر
türkiyening awiyatsiye sahesi mulazimitide rékort yaritildi
aprél éyida türkiye miqyasidiki ayrodurumlarda 18 milyongha yéqin yoluchi toshuldi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.