xaqan fidan biraziliyede muhim uchrishishlarda bolidu
tashqi ishlar ministiri xaqan fidan g20 döletler guruhi tashqi ishlar ministirliri yighinigha qatnishish üchün biraziliyege yétip bardi.
türkiye awazi radiyosi xewiri: g20 döletler guruhining tashqi ishlar ministirliri nöwetchi reis biraziliyening sahibxanliqida riodé zhanéyro shehiride bir yerge jem bolidu.
2 künlük yighinda g20 döletler guruhining xelqaraliq mesililerni hel qilishtiki roli we yer sharini bashqurush organliri islahatidiki roli muzakire qilinidu.
yighinda yene ukraina we ghezzediki urushlarningmu kün tertipke kélishi mölcherlenmekte.
tashqi ishlar ministiri xaqan fidan yighinda türkiyening birleshken döletler teshkilati xewpsizlik kéngishi qatarliq yer sharini bashqurush organlirida islahat élip bérishning zörürlikige ehmiyet béridighanliqini ipadileydu.
xaqan fidan yene, (israiliyening) ghezzediki wehshiylikige xatime bérish we menggülük tinchliq ornitishning texirsizliki terepke hemmining diqqitini tartidu.
tashqi ishlar ministiri xaqan fidan biraziliyediki alaqilishishliri dairiside, ikki tereplik uchrishishlarda bolidu.
xaqan fidan yighin munasiwiti bilen ötküzülidighan MIKTA (méksika, hindonéziye, jenubiy koréye, türkiye, awistiraliye) ning 25 - nöwetlik tashqi ishlar ministirliri yighinigha qatnishidu.
