erdoghan 6-féwral yer tewresh weqesining xatire yili munasiwiti bilen télégramma tarqatti

türkiye awazi radiyosi xewiri: jumhur reis erdoghan özining ijtimaiy taratqudiki adrésida uchur hembehrilep, buningdin bir yil ilgiri yüz bergen yer tewresh apitide hayatidin ayrilghan 53 ming 537 kishining her birige allahtin rehim-shepqet tilidi we ularning tughqanliri hemde türk xelqidin hal soridi.

u télégrammisida: «insaniyet tarixining eng qedimki olturaq rayonliri qataridiki 11 wilayitimizde yüz bergen weyranchiliq heqiqeten éghir boldi. bundaq chong apet we éghir azab-oqubetler xelqlerning ittipaqliqi, hemdemliki we qérindashliq küchi sinilidighan burulush nuqtiliri hésablinidu.

xudagha shükri, xelqimiz bu azabliq tarixiy sinaqtin muweppeqiyetlik ötti. dölitimiz barliq imkaniyetlirini derhal seperwer qildi, türkiye bir qelb we bir bilekke aylandi, xelqimiz yer tewreshning tesirige uchrighan qérindashlirigha yardem qilishqa atlinip, esirning apiti jeryanida, esirning qérindashliqini namayan qildi.

biz yerlikke qoyghan méyitlirimizni fatiheler, dualar we qayghu-hesret bilen xatirilesh bilen bir waqitta, xelqimizge bergen wedimizni emelge ashurush üchün pütün küchimiz bilen tirishiwatimiz.

biz bu xizmetlirimizni sheherlirimizni qayta qurup güllendürüp, öyi weyran bolghan yaki ishlitishke bolmaydighan haletke chüshüp qalghan eng axirqi puqramizni bixeter öyge ige qilghuche dawamlashturimiz. rebbimiz dölitimiz we xelqimizni qaytidin bundaq apetlerge duchar qilmisun, bizni bundaq sinaqlargha duchar qilmisun» dégen ibarilerge orun berdi.