abdullahiyan: reisining ziyariti ikki dölet munasiwetliride yéngi betning échilishi
iran tashqi ishlar ministiri hüseyin emir abdullahiyan pirézidént ibrahim reisining enqere ziyariti we netijiliri üstide toxtilip, buning türkiye-iran otturisida hemde rayon xaraktérlik hemkarliq saheside «yéngi betning échilishi» ikenlikini bildürdi.
türkiye awazi radiyosi xewiri: iran tashqi ishlar ministiri hüseyin emir abdullahiyan éks (X) adrésida uchur hembehrlep, iran pirézidénti reisining türkiye jumhur reisi rejep tayyip erdoghanning teklipige binaen 24-yanwar emelge ashurghan enqere ziyariti üstide toxtaldi.
u ikki dölet rehberliri otturisidiki uchrishishlarda, soda, sélinma, iqtisad, medeniyet, sayahet, chégra bixeterliki we térrorluqqa qarshi küresh qatarliq mesililer boyiche bir qatar kélishimlerning imzalanghanliqini eskertip: «hörmetlik pirézidéntimizning türkiye ziyariti we netijiliri, ikki dölet otturisida we rayon xaraktérlik hemkarliqlarda yéngi betning échilishi hésablinidu» dédi.
iran pirézidénti reisi 24-yanwar (2024) diki türkiye ziyaritide, jumhur reis rejep tayyip erdoghan bilen enqerede körüshken idi.
reisining ziyariti jeryanida, türkiye-iran aliy sewiyelik hemkarliq kéngishining 8-qétimliq yighini ötküzüldi we oxshimighan saheler boyiche 10 kélishim imzalandi.
