astana yighini axirlashti
muawin tashqi ishlar ministiri ehmet yildiz qazaqistan paytexti astanada türkiye, rusiye we iranning kapaliti astida teshkillengen astana munbirining 21-qétimliq yighinida, térrorluqqa qarshi küreshte ortaq irade körsitishning tekitlengenlikini bildürdi.
türkiye awazi radiyosi xewiri: türkiye heyitige bashchiliq qilghan muawin tashqi ishlar ministiri ehmet yildiz qazaqistanning sahibxanliqida tünügün (24-yanwar) bashlanghan we bügün (25-yanwar) axirlashqan «süriye» témiliq 21-qétimliq astana yighini toghrisida muxbirlarning soallirgha jawab berdi.
u yighinning asasiy meqsitining süriye kirizisini hel qilishta siyasiy musapini ilgirilitish ikenlikini bildürüp: «türkiye heyiti bolush süpitimiz bilen, asasiy qanun komitétining xizmetlirini bashlishini we süritini tézlitishni telep qilduq» dédi.
u heyetler ara ötküzülgen uchrishishlarda, isirailiyening pelestinge we qoshna döletlerge qiliwatqan hujumlirining süriyege körsitidighan tesirliridin hés qilinghan endishelernimu tilgha alghanliqlirini eskertti.
u süriyege insanperwerlik yardemlirini yetküzüshning üzülüp qalmasliqini, shunga demeshiq hakimiyitining yardemlerni yetküzüsh mesiliside ayrimichiliq qilmasliqini, qobul qilghili bolmaydighan shertlerni qoymasliqi kérekilikini tekitligenliklirini qeyt qildi.
u kéyinki qétimliq yighinningmu astanada we mushu yil (2024) ichide échilidighanliqini bildürdi.
مۇناسىۋەتلىك خەۋەرلەر
türkiye ghezzege yardem bérishte aldinqi orunda turidu
türkiye ghezzege insanperwerlik yardem bérishte dunya boyiche aldinqi orunda turidu.