alper gezerawji alemde turup erdoghan bilen körüshti
jumhur reis rejep tayyip erdoghan alem uchquchisi alper gezerawjigha, uning pütkül xelq üchün ilham ikenlikini éytti.
türkiye awazi radiyosi xewiri: türkiye tunji türk alem uchquchisi alper gezerawjining alem sayahitini hayajan ichide közetmekte.
alem uchquchisi alper gezerawji xelqara alem ponkitidiki wezipisi ramkisida, türkiye bilen eng az dégende yette qétim alaqilishidu. bu dairide, u tunji bolup jumhur reis rejep tayyip erdoghan bilen körüshti.
u jumhur reis rejep tayyip erdoghangha: «pilan boyiche tejribilirimni bashlidim. bu yerdiki waqtimda hemme tejribilerni tügitip, netijlerni xatirileymen. xelqara alem ponkitining muhitigha nahayiti téz masliship kettim. xizmetlirimni pilan boyiche bashlidim» dédi.
rejep tayyip erdoghan alper gezerawj gha mundaq dédi:
«milliy alem pirogrammimiz ramkisida emelge ashurghan muhim wezipe arqiliq balilar we yashlirimizni öz ichige alghan pütkül xelqimizge ilham boldingiz. sizning sayahitingiz bilen alem pilanimizda yéngi dewrning ishkini échish üchün izdengen bolduq.»
rejep tayyip erdoghan yene, türkiyening tunji alem wezipisining bilim wezipisi bolush nuqtisidinmu intayin qimmetlik ikenlikini eskertip: «bu arqiliq bilim xezinisi üchün muhim tetqiqatlargha, türkiyelik alimlarmu öz hessisini qoshqan bolidu. u yerde oxshimighan témilarda qilidighan tejribiliringizning muweppeqiyetlik bolushini ümid qilimen» dédi.
