alem kémisining menzilige muddettin burun yétip baridighanliqi bildürüldi

türkiye awazi radiyosi xewiri: SpaceX shirkitining türkiyening tunji alem uchquchisi alper gezerawji we uning üch sepdishi olturghan alem kémisi 19-yanwar amérikaning florida ishtatidiki kénnidi alem boshluqi merkizidin shu yer waqti saet 16:49 (türkiye waqti 00:49) de muweppeqiyetlik qoyup bérildi.

ejdiha alem kémisi texminen 36 saetlik alem boshluqi sayahitidin kéyin, xelqara alem ponkitigha yétip baridu. kémining xelqara alem ponkitigha chétilish waqti türkiye waqti 12:27 ge özgertildi. shundaq bolghanda,  ejdiha namliq mezkur alem kémisi mölcherdikidin 48 minut burun nishanigha yétip barghan bolidu.

bügün (20 – yanwar, 2024) türkiye waqti saet 14.30 de, gezerawji xelqara alem ponkitidiki bashqa alem uchquchiliri teripidin qarshi élinidu we u alem ponkitidikilerge élip barghan sowghatlirini béridu.

gezerawji we guruppisidikilerning qoshulushi bilen, rusiyelik, amérikaliq, yaponiyelik we daniyeliklerdin terkip yette kishi wezipe ötewatqan xelqara alem ponkitidiki alem uchquchiliri sani 11 ge yétidu.

alem boshluqi sayahiti bilen «tunji türk alem uchquchisi» dégen namgha érishken gezerawji, 14 kün boyiche xelqara alem ponkitida turup, yerning mikro tartish küchi, alem boshluqida insan salametliki, tuz köli ösümlükining alem boshluqida tetqiq qilinishi we nöl tartish küchi muhitida qattiq we suyuqluq arilashmilirini tetqiq qilish qatarliq 13 oxshimighan türde ilmiy tejribe élip baridu.