erdoghan: yashlargha we ösmürlerge ilham bolush üchün alemge adem chiqarduq
jumhur reis rejep tayyip erdoghan: «jumhuriyitimizning ikkinchi esirige we türkiye esirige, tunji qétim alem uchquchisi alemge chiqqan alem wezipisi bilen qedem tashlaymiz» dédi.
türkiye awazi radiyosi xewiri: jumhur reis rejep tayyip erdoghan milliy alem pirogrammisining tunji qedimi hésablinidighan «alem uchquchisi bolghan alem wezipisi» ramkisida sinliq télégramma élan qildi.
u: «biz hemmimiz birlikte tarixiy deqiqilerge shahit boluwatimiz. biz ortaq ghururimiz yuqiri pellige kötürülgen dewrlerning birini bashtin kechürüwatimiz. biz jumhuriyitimizning ikkinchi esirige we türkiye esirige alem uchquchisi bolghan alem wezipisi bilen qedem qoyduq. biz ilim-pen tarixigha özgiche töhpe qoshqan bir medeniyetning warisi bolush süpitimiz bilen, tarixta élip barghan burchimizni qayta ijra qilish üchün intayin qimmetlik yéngi bashlinishni emelge ashuruwatimiz. biz upuqqa nezer salghan yashlirimizgha we arzusi dunyagha sighmighan balilirimizgha ilham bolush üchün tunji qétim bir puqramizni alem boshluqigha ewettuq» dédi.
türkiyening tunji alem uchquchisi alper gezerawjini öz ichige alghan uchquchilar seper qilidighan spéys éks (SpaceX) ning alem kémisi amérika kénnidiy (Kennedy) alem merkizidin shu yer waqti 16.49, enqere waqti TSI 00.49 damuweppeqiyetlik qoyup bérildi. alem kémisi 36 saettin kéyin xelqara alem ponkitigha yétip baridu.
