erdoghan: térrorluq unsurlirini yoqitish toghrisida perman chüshürdüm
jumhur reis rejep tayyip erdoghan: «bixeterlik tarmaqlirimizgha kimning qollishidin, qaysi jayda bolushidin, perde arqisida kimning bolushidin qetiynezer, bayqighan térrorluq unsurlirini yoqitish toghrisida perman chüshürdüm» dédi.
türkiye awazi radiyosi xewiri: jumhur reis rejep tayyip erdoghan kabént yighinidin kéyin muhim bayanatlarni élan qildi.
u türkiyening qetiylik bilen dawamlashturuwatqan térrorluqni yiltizidin qurutush istratégiyesining, bolupmu rayonda «térroristan» qurush pilani tüzgenlerni biaram qilghanliqini bildürdi.
u mundaq dédi:
«bölgünchi térrorluq teshkilati p k k gha qoral-yaragh, oq-dora, terbiyelesh we himaye yardimi qilip, küchlendürüshke urush qilmishlirining süriti tézleshti.»
u chégra halqighan herbiy heriketlerning türkiyeni qanunsiz köch dolquni arqiliq ichki qalaymiqanchiliqqa söresh qiltiqinimu meghlub qilghanliqini bildürdi.
u: « bixeterlik tarmaqlirimizgha kimning qollishidin, qaysi jayda bolushidin, perde arqisida kimning bolushidin qetiynezer, bayqighan térrorluq unsurlirini yoqitish toghrisida perman chüshürdüm. impériyalistlarning iraq bilen süriyede <térroristan> qurush pilani bar bolghan ehwalda héchbirimiz özimizni bixeter hés qilalmaymiz. kéyinki aylarda térrorluqqa qarshi küreshte kimning néme déyishidin, qandaq tehditlerni sélishidin qetiynezer, choqum yéngi qedemlerni basimiz. térrorluq heriketlirining menbesi hésablinidighan shimaliy iraq taghlirining her bir nuqtilirini bixeter halgha keltürgiche rayondiki heriketlirimizni dawamlashturimiz» dédi.
