erdoghanning riyasetchilikide tünügün bixeterlik yighini chaqirildi

türkiye awazi radiyosi xewiri: jumhur reis erdoghanning riyasetchilikide ötküzülgen tünügünki yighingha tashqi ishlar ministiri xaqan fidan, ichki ishlar ministiri eli yerlikaya, dölet mudapie ministiri yashar güler, armiye bash ishtab bashliqi général metin gurak, milliy istixbarat teshkilati bashliqi ibrahim kalin, uchur - alaqe idarisi bashliqi faxrettin altun shundaqla jumhur reislik tashqi siyaset we bixeterlik meslihetchisi akif chaghatay qilich qatnashti.

axbaratqa yépiq halda ötküzülgen yighin texminen 1 saet dawamlashti.

bashliqlar yighinidin kéyin élan qilinghan bayanatta, térrorluqqa qarshi küreshtiki qetiy irade tekitlendi.

iraqning shimalida 9 eskirimiz shéhit bolghan we 4 eskirimiz yarilanghan  penche qulup herikiti rayonigha qilinghan xainlarche hujumdin kéyin élip bérilghan hawa herikiti netijiside yéqinqi 24 saet ichide 57 térrorchining ujuqturulghanliqi bildürüldi.

bayanatta yene: «türkiye her qandaq bahane we seweb bolushidin qetiy nezer, jenub chégrasida bir térroistan qurulishigha qetiy yol qoymaydu» déyildi.