iraqning shimalida 9 esker shéhit boldi
iraqning shimalida türkiye armiyesi bilen bölgünchi térrorluq teshkilati — p k k térrorchiliri otturisida yüz bergen toqunushta 9 esker shéhit boldi.
türkiye awazi radiyosi xewiri: p k k térrorchi unsurlirining türkiye armiyesining <penche-qulup> herbiy herikiti rayonidiki herbiy bazisi tewelikige singip kirishke urunushidin kéyin yüz bergen toqunushta, 9 esker shéhit boldi, 4 esker yarilandi. yarilanghan eskerler doxturxanilarda balnistqa élindi.
térrorchilarning hujumidin kéyin, yérim kéchide iraqning shimalidiki metina, xakurk, gara, qandil rayonliri bilen süriyening shimalidiki térrorluq uwilirigha hawadin zerbe bérildi.
zerbe bérish herikiti jeryanida, térrorluq teshkilati teripidin ishlitiliwatqan, ichide atalmish mesul derijilik térrorchilarmu bar, dep qariliwatqan öngkür, panahlinish orunliri we néfit eslihelirini öz ichige alghan 29 nishan bitchit qilindi؛ deslepki tekshürüshlerge qarighanda, hawadin zerbe bérish herikiti arqiliq 15 térrorchi ujuqturulghan.
