minglarche kishi sarqamish shéhitlirini xatirilidi

türkiye awazi radiyosi xewiri: enwer pasha qomandanliqidiki osmanli qoshunining 1-dunya urushi mezgilide rusiye ishghaliyiti astidiki zéminlirini azad qilish meqsitide bashlighan sarqamish herikitining 109 – xatire yili munasiwiti bilen uyushturulghan paaliyetke türkiye jumhuriyiti yashlar we tenterbiye ministiri osman ashkin bak, aile we ijtimaiy xizmetler ministiri mahinur özdemir göktash, qars waliysi we sheherning muawin bashliqi ziya polat qatarliq nurghun siyasetchi we byurokratlar qatnashti.

dölet ichi we sirtidin kelgen  qéri – yash nurghun kishi soghuq hawarayigha qarimay, seherdila sogha(a)nli bilen allahuekber taghliri otturisidiki qizilchubuk choqqisida bir yerge jem bolup, «bu zéminda izinglar bar», «türkiye shéhitliri bilen birlikte yürimekte» témiliq paaliyetke qatnashti.

türkiye bayriqini kötürüwélishqan minglarche kishi bu yerde quran kerimni oqudi, tekbir we salawatlarni éytip shéhitlerge dua qildi, andin uzuluqi 100 métir kélidighan türkiye bayriqini kötürgen ay-yultuzluq murasim rayonigha qarap yolgha chiqti.