erdoghan reisige téléfon qilip, teziye bildürdi

türkiye awazi radiyosi xewiri: erdoghan puqralarni zerbe obyékti qilghan térrorluq hujumini eyibligen téléfon söhbiti jeryanida, türkiyening iranning térrorluqqa qarshi turush kürishini qollaydighanliqini tilgha élip, iran xelqige sewr tilidi we iranni térrorluqqa qarshi turushta birlikte heriket qilishqa chaqiridighanliqini qayta tekitlidi.

söhbet jeryanida yene, iran pirézidénti ibrahim reisining bügün ishqa ashurulushi pilanliniwatqan türkiye ziyaritini kéyinki bir künge kéchiktürüsh qarar qilindi.

tünügün iranning kérman ölkiside iran inqilabi muhapizetchiliri armiyesi quruqluq qisimlirining sabiq qomandani qasim sulaymanining qebrisige yéqin jayda yüz bergen ikki ayrim térrorluq hujumida 95 adem hayatidin ayrilghanidi.

amérika qoshma ishtatlirining 2020-yili 1-ayning 3-künidiki iraqning paytexti baghdadtiki hujumida qaza qilghan sulaymanining öltürülgenlikining töt yilliqi munasiwiti bilen, iranning kérman shehiride xatirilesh paaliyiti uyushturulghanidi.