altun nétanyahuning erdoghan heqqide éytqan sözlirige naraziliq bildürdi
jumhur reislik mehkimisi uchur-alaqe idarisi bashliqi fahrettin altun isirailiye bash ministiri nétanyahuning jumhur reis rejep tayyip erdoghan heqqide éytqan sözlirige naraziliq bildürdi.
türkiye awazi radiyosi xewiri: jumhur reislik mehkimisi uchur-alaqe idarisi bashliqi fahrettin altun éks (X) adrésida uchur hembehrlep, nétanyahuning irqiy qirghinchiliq toghrisida gep qilidighan eng axirqi kishi ikenlikini eskertti.
u mundaq dédi:
«nétanyahu puqralargha qarshi ötküzgen urush jinayetlirini, dunyagha <özini qoghdash> dep körsitip perdazlashqa usta bop ketti. dunya toxtatmisimu, emma tarix uni urush jinayetchisi dep sotqa tartidu.»
u türkiyening térrorluqqa qarshi kürishi toghrsidimu eng axirida gep qilidighan kishining nétanyahu ikenlikini tekitlep, mundaq dédi:
«térrorluq teshkilati p k k we quyruqchilirigha qarshi 40 yildin artuq waqittin béri küresh qiliwatimiz. xuddiy nétanyahugha oxshash puqralarni ayal we kichik bala dep ayrip olturmastin qetl qilghan p k k gha qarshi, kürt (kord) xelqimiz özi küresh qildi. exlaq toghrisida gep qilidighan eng axirqi kishi isirailiye bash ministiri nétanyahudur. térrorluqqa qarshi herbiy heriketlerning qandaq élip bérilishi toghrisida héchkimge bir nerse ögitelmeydu, chünki bu sahede tejribisi yoq. yéqinqi 40 yildin béri qilghan ishi, pelestinliklerni yurt-makanliridin qoghlash boldi. emdi bolsa, isirailiye armiyesidin paydilinip puqralarni öyliride, doxturxanilarda we lagérlarda öltürüp, bu weziyetni yéngi sewiyege chiqardi. nétanyahu dunyaning diqqitini urush jinayetliridin yiraqlashturush üchün jumhur reisimiz erdoghangha hujum qilish arqiliq héchkimni aldiyalmaydu.»
u dunyaning ishghal astidiki pelestinde némilerning yüz bériwatqanliqini körgenlikini eskertip, nétanyahuning puqralarni öltürüp, urushning dairisini kéngeytip, siyasiy nopuzini qutquzushqa urunuwatqan ümidsizlikke tolghan heriketlirining muweppeqiyet qazinalmaydighanliqini bildürdi.
u jumhur reis rejep tayyip erdoghanning nétanyahu dunyagha qanchilik yalghan sözlishidin qetiynezer, adalet üchün küresh qilishtin qetiy waz kechmeydighanliqini tekitlidi.
u: «biz xelqara jemiyetni tézdin urush toxtitish we uzun muddetlik tinchliqni qolgha keltürüsh üchün tirishishni chöridigen halda yene bir qétim ittipaqlishishqa chaqirimiz. biz türkiyege qaritilghan siyasiy hujumlargha we töhmetlerge qarimay, öz wezipimizni ada qilimiz we ada qilishni dawamlashturimiz» dédi.
