تاشقى ئىشلار مىنىستىرلىقى تۈركىيە پۇقرالىرىنىڭ سۇدانغا ساياھەتكە بارماسلىقىنى تەۋسىيە قىلدى

تۈركىيە ئاۋازى رادىيوسى خەۋىرى: باياناتچى ئۆنجۈ كەچەلى ئىجتىمائىي تاراتقۇ سۇپىسى «X» تىكى ئادرېسىدا بايانات ئېلان قىلىپ: «سۇداننىڭ بىخەتەرلىك ۋەزىيىتىنىڭ بارغانسېرى ناچارلىشىۋاتقانلىقىنى ئەپسۇسلۇق ئىچىدە كۆرمەكتىمىز. پۇقرالىرىمىزنىڭ پەۋقۇلئاددە زۆرۈر بولمىغان ئەھۋالدا سۇدانغا ساياھەتكە بارماسلىقىنى تەۋسىيە قىلىمىز» دېگەنلەرنى قەيت قىلدى.

نۆۋەتتە سۇداندا تۇرۇۋاتقان تۈركىيە پۇقرالىرىنى تۈركىيە جۇمھۇرىيىتى تاشقى ئىشلار مىنىستىرلىقى ۋە تۈركىيەنىڭ خارتۇمدىكى ئەلچىخانىسىنىڭ قوشۇمچە ئاگاھلاندۇرۇش ۋە ئۇقتۇرۇشلىرىنى يېقىندىن كۆزىتىشنى داۋاملاشتۇرۇشقا ھەمدە شەخسىي بىخەتەرلىكلىرىنى قوغداشقا ئەھمىيەت بېرىشكە چاقىرغان كەچەلى، سۇدان پورتىدا خىزمەت قىلىۋاتقان ئەلچىخانا ۋە تۈركىيە كونسۇلخانىلار مەركىزىنىڭ ئالاقە ئۇچۇرلىرىنى ئورتاقلىشىپ: «نۆۋەتتە سۇدان پورتىدا خىزمەت قىلىۋاتقان خارتۇم ئەلچىخانىمىزنىڭ ئالاقىلىشىش نومۇرى: 00249900942738، ئېلىخەت ئادرېسى: embassy.khartoum@mfa.gov.tr؛ تۈركىيەدىكى كونسۇلخانا چاقىرغۇ مەركىزىنىڭ ئالاقىلىشىش نومۇرى: 00903122922929» دېدى.