iraqning shimalida alte esker shéhit boldi

türkiye awazi radiyosi xewiri: türkiye jumhuriyiti dölet mudapie ministirliqi bayanat élan qilip, bölgünchi térrorluq teshkilatining iraqning shimalidiki hujumida yarilanghan töt eskerning üchining dawalash ünüm bermey shéhit bolghanliqi, yoqitilghan térrorchilar sanining yettige yetkenlikini uqturdi.

dölet mudapie ministirliqi, bölgünchi térrorluq teshkilatining 22-dékabir jüme küni iraqning shimalida sadir qilghan hujumida üch eskerning shéhit bolghanliqini, töt eskerning yarilanghanliqini uqturghanidi؛ ministirliq yéngidin bayanat élan qilip, yarilanghan töt eskerning üchining shéhit bolghanliqini bildürdi.

bayanatta: «bölgünchi térrorluq teshkilati ezaliri teripidin 2023 – yili 22 – dékabir iraqning shimalida sadir qilinghan hujumda yarilanghan töt qehriman sepdishimizning üchi dawalash ünüm bermey shéhit boldi. rayonda bir terep qilinghan térrorchilar sani yettige yetti. zerbe bérish heriketliri dawamlashmaqta» dégen ibarilerge orun bérildi.