türkiye chéxiyege teziye bildürdi

türkiye awazi radiyosi xewiri: tashqi ishlar ministirliqi bayanatchisi önjü kecheli chéxiye paytexti piraganing merkizige qaylashqan karls uniwérstéti pelsepe fakultétida yüz bergen we 15 tin artuq kishi jénidin ayrilghan qoralliq hujum sewebidin teziye télégrammisi élan qildi.

u: «piragada yüz bergen qoralliq hujum sewebidin jénidin ayrilghanlarning ailisige we chéxiye xelqige sewr tileymiz» dédi.

u télégrammisida, élinghan melumatlargha asaslanghanda weqede ziyangha churighan héchqandaq türkiye puqrasining yoqluqini eskertip, piragadiki türkiye elchixanisining chéxiyening munasiwetlik organliri bilen qoyuq alaqe qiliwatqanliqini bildürdi.

u chéxiyediki türkiye puqraliri üchün türkiye elchixanisi we konsulxanisining alaqilishish nomurlirini hembehrlidi.

chéxiye paytexti piragagha jaylashqan karls uniwérstétining pelsepe fakultétida tünügün (21-dékabir) yüz bergen qoralliq hujumda, deslepki éniqlashlargha asaslanghanda eng az dégende 15 kishi jénidin ayrilip, 24 kishi yarilanghan idi.